पहिलाे पाईला नेपालद्वारा अर्घाखाँचीमा विपन्न विद्यार्थीहरुलाई झाेला वितरण

समाचार
0Shares

अर्घाखाँची भदौ ३०/ अर्घाखाँची जिल्लाको भूमिकास्थान नगरपालिका वडा नम्बर ३ मा रहेका गरिब, असहाय र अति विपन्न विद्यार्थीलाई झोला वितरण गरिएको छ ।

पहिलो पाइला नेपालले भूमिकास्थान नगरपालिका वडा नम्बर ३ मा रहेको सिद्धार्थ आधारभूत विद्यालय र शंकर जनसेवा आधारभूत विद्यालयमा अध्ययनरत १ सय १० जना विद्यार्थीलाइ झोला वितरण गरेको संस्थाका बुटबल शाखा उपाध्यक्ष सन्तोष बन्जाडेले बताउनु भयो  ।

भाग्य बोक्ने झोला कार्यक्रम अन्तर्गत विद्यार्थीहरुलाई सिद्धार्थ आधारभूत विद्यालयको प्रांगणमा एक समाराेहका बीच जिल्ला समन्वय समितिका प्रमुख जीवनारायण कोइरालाकाे उपस्थितिमा शैक्षिक सामग्री र सरसफाइ सामग्री प्रदान गरिएकाे हो ।

कार्यक्रममा प्रत्येक विद्यार्थीलाई एक सेट झोला, एक दर्जन कापी, एक दर्जन पेन्सिल, तथा सरसफाइ सामग्री अन्तर्गत खाजा राख्ने टिफिन, पानी खाने बोतल, ब्रस, मन्जन, नेलकटर र  रुमाल प्रदान गरिएको पहिलो पाइला नेपालका केन्द्रीय महासचिव विनोद महतले बताउनुभयो ।

शैक्षिक सामग्री तथा सरसफाइ सामग्री प्राप्त गरेपछि बिद्यार्थीहरु खुसी भएका थिए । आफूहरुले प्राप्त गरेको सामग्रीले अध्ययन तथा सरसफाइमा ठूलो सहयोग पुग्ने विद्यार्थीहरुले बताएका थिए ।

कार्यक्रम संस्थाका बुटबल शाखा अध्यक्ष बिनाेद बस्यालकाे  अध्यक्षातामा सम्पन्न भएकाे थियाे ।

0Shares

Leave a Reply

Your email address will not be published. Required fields are marked *